08:53 Агъулиан вуйи доярка |
Дявдин ва дидин кьяляхъ чи-
тин йисари гъулариъ, шагьра-
риъ яшамиш шулайи инсанар,
ип1руб абгури, му гъул‘ан тму-
ну гъулазтвал аш, гьадушваъ
дурари бин дивуйи. Гьацдар хи-
занарикан гьисаб ап1уз шулу
ихь райондин Тинит1 гъулаъ
яшамиш шулайи Рамазанова-
рин хизанра. Улихьнаси думу
хизандиз хялар гъахьунча. Хи-
зандин к1ул кечмиш гъахьну,
дугъан хпир Мейрам халайи
чпин хизандин тарихдикан, чан
уьмрикан гьамци ктибтнийи:
- Узу Агъул райондин Хурик
гъулаъ 1926 – пи йисан бабкан
гъахьунза. Учу кьюр чина сар
чве вуйча. Адашра нежбер кас
вуйи. Ич гъулан агьалйирин асас
ляхин малдарвал вуйи. Дурари
мал – къара гизаф уьбхюйи ва
гьаддилан гъадагъу гъазанжари-
инди чпин хизандин дуланажагъ
ап1уйи. Ватандин Аьхю дяви
ккебгъруган, яшар бегьем духь-
ну адру риш вуйза. Думугандин
читинвалар гафариинди дупну
ккудук1уз шулдар. Яшар бегьем дархьи шубар, баяр, яни дявдиз
дих дарап1дар, вари далу тереф-
наъ лихуйча. Яшлу жиларихъди
ва дишагьлийирихъди вазариин-
ди саб - швнуб ражари Къяякен-
тдиз къанавар, Ленинкентдиз
окопар риккуз гъушнийза. Гъу-
лаъ чюлин жара ляхнарра учу
тамам ап1уйча. Узу аьхирихъси
маларин фермайиъ лихури
шуйза. Душваъ лихз гъюз
ккунидарин кьадар гизаф шуйи.
Яшар тамам гъахьиган, хал -
хизанра ккебгънийза. Жилир ич
гъулаъ ерлешмиш дубхьнайи
фермайин маларихъ габанди,
хъа узу душваъ дояркади лихуз
хъюгъча. Кьюбредра аьхю жан-
дкин вуйча. Ужуб живан, кьув-
ват айи вахт вуйич. Варит1ан ул-
хьан жергйириъ хьуз чалашмиш
шуйча. Маважибра харжиб
шулдайи. Думуган гъилиху йигъ-
ариз маважиб тувуйи. Учухъди
лихурайидарикан варит1ан ги-
заф гъилиху йигъар узузна йиз
жилириз алахьуйи. Гьаци, ич хи-
зандин дуланажагъ ап1уз хъюгъча. Дявдин кьяляхъ читин йисар
вушра, ич хизандиз гаш'вал
адайи.
Гъиси к1ваин илмийиз. 1947
- пи йисан ич колхоздиъ варит1-
ан гизаф гъилиху йигъар узуна
йиз жилири гъазанмиш гъап1-
нийча. Думу йигъариз алабхъру
кьадар дяхин, сурсул, харар,
йикк, нис, яни хизандин дулана-
жагъдиз фу лазим вуш, гьадму
тувуйизаф алабхъну к1ури, кол-
хоздин председатели учуз кьюб-
реддиз рубкьру 40 килограмм
нис тувундайи. Думуган, колхоз-
дин председателихьна душну,
учуз алабхъру нис тувувал т1а-
лаб гъап1нийча. Ич т1алаб дугъу
тамам гъап1ундайи. Дугъкан
хъял гъафидар гъул'ан удуч1вну
гъушнийча. Гьаци, рякъди гъю-
райидариз раст гъахьидарихъди
гаф - ч1ал ап1руган, Табасаран
райондин «Победа» колхоздин
«Нириъ» участокдиъ айи фер-
майиз дояркйир, маларихъ
гъягъюз габнар ккунди а к1ури,
гъеебхьнийчуз. Дидригъди душ-
ваз гъушнийча. Учухъди йиз
жилирин гъардашра хъайи. Учу
душваз гъурукьубси, учуз деуз
халра, ап1уз ляхинра тувнийи.
Жилирна дугъан гъардаш габ-
нарди, узу дояркади лихуз хъюгъ-
нийча.
Ляхин фукьан вушра гъагъиб
вуйи, хъа жвуван хилиз ужуб
маважиб гъюруган, ляхин ап1-
рубсира гьибгъурдайи. Колхоз-
дин руки
фермайиъ тамам ап1ру ляхнар
ккудук1урдайи. Узу ич гъулаъ
дояркади лихурайиган, ич кол-
хоздин председатели никк тартиб
ап1ру машин гъабхнийи. Думу
машин хилихъди илт1ибк1ури,
никкдикан ччим ктабгъуйи. До-
яркйири ап1ру ляхин хайлин
ц1иб шуйи. «Победа» колхоздин
председател Къирим халуйиз
дидкан гъапнийза. «Эгер дициб
машин аш, узу думу наана душ-
нура хьади гъидиза», - гъапнийи
дугъу. Чав к1урубси, ц1иб вахт
арайиан гъябгъяйизра, Къирим
халуйи саб ражну 100 литр никк
тартиб ап1уз мумкинвал айи
машин гъабхнийи. Думуган хай-
лин рягьят гъабхьнийчуз. Узухъ-
ди лихури гъахьи дояркйир
Айна, Фатмаханум, Фат1имат,
Назлу ва жарадар гизаф ужудар
дояркйир вуйи. Дурари йиз би-
ц1идаризра чпихьан шлу кюмек
ап1уйи. Дурарихъан яваш -
явашди табасаран ч1алра гъу-
дубгънийча. Гьаци учкан таба-
саранар гъахьну.
Йисар гъягъюри учуз 9 ве-
ледра (5 бай, 4 риш) гъахьнийи.
Мялум вуйиганси, нириъ мек-
теб адайи. Душваъ лихурайи до-
я хъюбгъиган, Ружвникк
гъулаъ учуз яшамиш хьуз хулар
масу гъадагънийча. Гьадшваъ
ич веледарра эвленмиш гъап1-
унча. Учу кьабул дап1ну, чпин
жямяаьтдин жергйириъ аувализ
Тинит1 гъулан жямяаьтдиз аьхю
чухсагъул вуйиз. Гъит му гъу-
лаъ гьаммишан берекет, гьюр-
мат ибшри.
Узу 44 йисан дояркади, йиз
жилир гьадмукьан йисари га-
банди гъилихунча. Малдарвалин
цирклиъ хайлин йисари гъизигу
марцци зегьметназ лигну, учуз
кьюбреддизра хайлин кьадар на-
градйир, Гьюрматнан грамотй-
ир тувунчуз. Гьамусдин жигьи-
лариз дицистар кеспар ап1уз
ккундар. Зегьмет дизригди фу-
к1а хилиз гъюрдар, аьхир...
Агъулиан вуйи доярка Мей-
рам хала ужур сюгьбатчи ву.
Гьаму йисан мугъан бабкан
духьну урч1вуц1ур йис тамам
шула. Мугъу аьйнйир алдарди
рубдихъ мурсул хъап1ру, газат
убхуру. Гудлариз хъайивал ап1-
узра мугъхьан гьеле удукьури
ими. Юбилейихъди ва улубкьу-
райи дишагьлийирин машкв-
рахъди Мейрам хала тебрик
ап1ури, мугъаз жандин мюгь-
кам сагъвал ва ярхи уьмур хьуб
ккун ап1урхьа.
Угълангерек
АЬБДУЛКЕРИМОВА.
Шиклиъ: М. Рамазанова чан
гудлар Аишайихъди ва Гьяс-
нахъди.
Н. РЯГЬИМОВДИ
гъиву шикил.
|
|
Просмотров: 994 |
Добавил: Admin
| Теги:
| Рейтинг: 0.0/0 |
|
|
| Вход на сайт |
|
 |
| Поиск |
|
|
| Календарь |
|
|
| Архив записей |
|
|
| Наш опрос |
|
|
| Мини-чат |
|
|
|
| Друзья сайта |
|
|
| Статистика |
Онлайн всего: 2 Хялар 2 Пользователей: 0 |
|
|
